Matthew 1

Jesus Kristus ko usir taleng te tairam ko dugu duap

1Imi Jesus Kristus ko taleng girigir usir nononga nunup. Jesus nu David ko gue te aratam, se David mu Abraham ko gue te aratam.

2Abraham ko kuriang mu Isaac.

Se Isaac ko kuriang mu Jacob.

Se Jacob ko kuriang mu Judah se ko launuria arungu.

3Se Judah ko kuriang mu Perez Zerah ilak. Nunga nunam mu Tamar.

Se Perez ko kuriang mu Hezron.

Se Hezron ko kuriang mu Ram.

4Se Ram ko kuriang mu Amminadab.

Se Amminadab ko kuriang mu Nahshon.

Se Nahshon ko kuriang mu Salmon.

5Se Salmon ko kuriang mu Boaz. Boaz ko nuam mu Rahab.

Se Boaz ko kuriang mu Obed. Obed ko nuam mu Ruth.

Se Obed ko kuriang mu Jesse.

6Se Jesse ko kuriang mu King David.

Se David ko kuriang mu Solomon. Solomon ko nuam mu Bathsheba. Nu Uriah ko nuwus bagaram bare aking David nu tam.

7Se Solomon ko kuriang mu Rehoboam.

Se Rehoboam ko kuriang mu Abijah.

Se Abijah ko kuriang mu Asa.

8Se Asa ko kuriang mu Jehoshaphat.

Se Jehoshaphat ko kuriang mu Jehoram.

Se Jehoram ko kuriang mu Uzziah.

9Se Uzziah ko kuriang mu Jotham.

Se Jotham ko kuriang mu Ahaz.

Se Ahaz ko kuriang mu Hezekiah.

10Se Hezekiah ko kuriang mu Manasseh.

Se Manasseh ko kuriang mu Amon.

Se Amon ko kuriang mu Josiah.

11Se Josiah ko kuriang mu Jeconiah ko launuria arungu. Se tom mu te Assyria alo taiman Israel alo nunga talipaman arungak Babylon namaman.

12Se tom nuna Babylon namaman tom mu te tai Jesus aratam mu te, ko taleng girigir nunga nunup imitang:

Se Jeconiah ko kuriang mu Shealtiel.

Se Shealtiel ko kuriang mu Zerubbabel.

13Se Zerubbabel ko kuriang mu Abiud.

Se Abiud ko kuriang mu Eliakim.

Se Eliakim ko kuriang mu Azor.

14Se Azor ko kuriang mu Zadok.

Se Zadok ko kuriang mu Akim.

Se Akim ko kuriang mu Eliud.

15Se Eliud ko kuriang mu Eleazar.

Se Eleazar ko kuriang mu Matthan.

Se Matthan ko kuriang mu Jacob.

16Se Jacob ko kuriang mu Joseph.

Se Joseph mu Maria ko kuari.

Se Maria tuagu te Jesus bilangaram. Se ana arusan Kristus masan.

17Se Abraham ko tom te, tai David ko tom te, mu nuet namar te nunga tom mu 14. Se David ko tom te, tai tom Israel alo Babylon namaman, mu nuet namar te nunga tom mu 14 tala. Se Israel alo Babylon namaman tom te, tai Kristus aratam, mu nunga tom betela 14 tala.

Jesus ali imi te bilangaram

18Jesus Kristus te bilangaram ko duap mu iwita. Noko nuam Maria nuna maingkala balman nu Joseph auwokko balman. Bare nuna ilagala nunumi me giman la, tom mu te Maria numi ikiam Korang Bur te tuagu ago. 19Noko kuari Joseph mu kari ningo diram, se nu Maria dolara tuokko me kuakaso. Buta se nu am tetela la Maria merukko karogo kaeyakaso.

20Nu uwutata ikikaso, bare ipingira te engel bo kote tairam ale maonam, “Joseph, David ko kuriang, ni ka imet Maria toko me nguangerko. Mu awuk, kuriang nu tuagu ningi bagoso mu Korang Bur te kuriang noko tuagu ningi bagoso. 21Nu kuriang kari iluwokko, se ni nup bitar Jesus. Mu awuk, nu ko kariimet nunga memek siwurok ale nunga giokko.”

22Buta se mel suen biya aratam mu maingkala la Kari Biya prophet kuring te den balu nungaram bare ko nunguning aratam. Prophet mu iwita balam:

23“Imet itiwik kagos bo tuagu aratuk se kuriang kari iluwokko.
Se nuna arumon ‘Emmanuel’ mamonko.” ▼

▼Mat 1:23 Isaiah 7:14.

(Nup mu ko nunguning “Kaem ana nangarak bagoso”.)

24Se Joseph aniwa barasam ale Kaem ko engel nu maonam butata beteram ale ko imet Maria tam. Bare nu ilak me aniram nama Maria kuriang kari mu iluwam. Se Joseph nup beteram Jesus i mam.

25